Masharti ya matumizi

Ilisasishwa: 8 Oktoba 2026

Masharti haya yanahusu Milele Kids: tovuti milelekids.com na programu za Milele Kids, zinazoendeshwa na OXMET Limited ("sisi"). Kwa kufungua akaunti, unakubali masharti haya na sera yetu ya faragha.

1. Akaunti ni za wazazi

• Ni watu wazima tu wanaoweza kufungua akaunti: mzazi, mlezi au mtu mzima mwingine anayewatunza watoto watakaoitumia.
• Watoto hutumia Milele Kids kupitia wasifu ulio kwenye akaunti ya mzazi, kwa ruhusa ya mzazi na chini ya uangalizi wake.
• Usimpe mtu mwingine nenosiri lako wala PIN ya mzazi. Unawajibika kwa yanayofanyika kwenye akaunti yako; tujulishe kupitia privacy@milelekids.com ukidhani mtu mwingine ameitumia.
• Tupe taarifa sahihi, hasa barua pepe yako, ili tuweze kuwasiliana nawe.

2. Huduma

Milele Kids inatoa hadithi za Biblia, maswali, mistari ya kukariri, michezo, nyimbo, masomo na shughuli za ubunifu kwa watoto, kwa Kiswahili na Kiingereza. Tunaendelea kuiboresha, kwa hiyo vipengele vinaweza kubadilika, na wakati mwingine sehemu zake zinaweza kukosekana kwa muda, kwa mfano wakati wa matengenezo.

3. Kutumia Milele Kids vizuri

Tafadhali usi:

• tumie Milele Kids kwa jambo lolote lisilo halali, au kuwadhuru watoto au mtu mwingine yeyote;
• jaribu kuingia kwenye akaunti au mifumo isiyo yako, au kuvuruga huduma;
• nakili maudhui kwa wingi, kuvuna tovuti, au kunakili, kubadilisha au kufungua programu;
• jifanye kuwa mtu mwingine.

4. Maudhui yetu

Hadithi, picha, nyimbo, michezo na maudhui mengine ya Milele Kids ni mali ya OXMET Limited au ya waliotuluhusu kuyatumia. Maandiko ya Biblia kwa Kiswahili ni ya Swahili Union Version, yanayotumika kwa ruhusa. Unaweza kutumia maudhui kwa matumizi binafsi ya familia yako, yasiyo ya kibiashara. Karatasi za kuchapisha zinaweza pia kuchapishwa kwa matumizi yasiyo ya kibiashara nyumbani, kanisani au darasani.

Picha ambazo watoto wanapaka rangi ni mali ya familia yao; tunazihifadhi ili kuzionyesha tena tu.

5. Kufunga akaunti

Unaweza kufuta akaunti yako wakati wowote katika Kituo cha Mzazi (angalia jinsi ya kufuta akaunti). Tunaweza kusimamisha au kufunga akaunti inayovunja masharti haya au kuwaweka watoto hatarini; inapowezekana, tutakueleza sababu.

6. Wajibu wetu

Tunajitahidi Milele Kids iwe sahihi, salama na inayopatikana, lakini tunaitoa "kama ilivyo", bila kuahidi kwamba haitakuwa na hitilafu au kukatika kamwe. Milele Kids inasaidia, lakini haichukui nafasi ya, mwongozo wa wazazi, walimu na kanisa. Kwa kiwango ambacho sheria inaruhusu, hatuwajibiki kwa hasara zisizo za moja kwa moja zitokanazo na matumizi ya Milele Kids. Hakuna chochote katika masharti haya kinachopunguza haki ulizonazo kisheria ambazo haziwezi kupunguzwa.

7. Sheria na migogoro

Masharti haya yanaongozwa na sheria za Jamhuri ya Muungano wa Tanzania. Jambo likienda vibaya, tafadhali wasiliana nasi kwanza ili tujaribu kulirekebisha.

8. Mabadiliko

Tunaweza kusasisha masharti haya. Tutabadilisha tarehe iliyo juu na kuwatumia wazazi barua pepe kuhusu mabadiliko muhimu kabla hayajaanza kutumika. Kuendelea kutumia Milele Kids baada ya hapo kunamaanisha unakubali masharti mapya.

9. Mawasiliano

OXMET Limited, Jamhuri ya Muungano wa Tanzania · privacy@milelekids.com